TIRANË- Komisioni Qendror i Zgjedhjeve ka publikuar shifrat e fundit për pjesëmarrjen e shqiptarëve në votime, në disa qarqe të vendit. Sipas të dhënave të grumbulluara nga KQZ-ja, mësohet se në shkallë vendi është shënuar një pjesëmarrje në votime në rreth 46% .
Burimet e Komisionit Qendror të Zgjedhjeve bëjnë me dije se ende nuk ka të dhëna përfundimtare për pjesëmarrjen në Durrës, Korçë, Elbasan.
Sapo të mbërrijnë, do të bëhen publike. Pas mbylljes së votimit kryeministri Berisha vlerësoi si shumë të kënaqshme pjesëmarrjen në votime. Po ashtu edhe lideri i PS-së, Edi Rama deklaroi të njëjtën gjë, duke falënderuar gjithë shqiptarët për pjesëmarrjen e tyre në këtë ditë historike.

Pjesëmarrja në qarqe
Gjirokastër 53%
Berat 46%
Dibër 43%
Fier 48%
Tiranë 50%
Vlorë 36%
19.00
Mbyllet orari zyrtar i votimeve. Ristani: Do vijojë, ku ka radhë

TIRANE- Ora 19.00 ka shënuar mbylljen e orarit zyrtar për votimet parlamentare në vendin tonë.
Nuk dihet ende nëse nëpër qendrat e votimit në vend, ka radhë, apo persona në pritje, por dihet tashmë se ata do të kenë shansin e votës, pasi do të lejohet të shprehin vullnetin e tyre.

Kryetari i Komisionit Qëndror Zgjedhor, Ristani deklaroi se nëse në Qendrat e Votimit do të ketë radhë pas orës 19.00, kohë kur deklarohet mbyllja e votimit, atëherë QV do të vazhdojnë të qëndrojnë të hapura.

“Nëse do ketë radhë, pas 19:00 do të votohet. Ata që janë në radhë do dorëzojnë letërnjofimet. Do votojnë vetëm ata në pritje”- deklaroi Ristani në prononcimin e tij të parë për shtyp për procesin zgjedhor.
17.25
KQZ, Ristani në konferencë: Parregullsitë dhe pjesëmarrja në votime
TIRANË- “Proces normal me disa probleme të vogla”. Kështu e ka cilësuar kreu i Komisionit Qendror të Zgjedhjeve, Arben Ristani ecurinë e deritanishme të procesit zgjedhor në vend.

Gjatë një konference për shtyp, pak minuta më parë, Ristani ka bërë një pasqyrë të procesit duke pranuar edhe problemet në disa qendra votimi. Ai ka deklaruar se votimi ka nisur normalisht dhe është ndërprerë vetëm në 3 qendra votimi, ku shkak është bërë largimi i komisionerëve.
Ndërkohë për problemin e bojës, shumë i diskutuar Ristani ka garantuar se boja matrukuluese është e sigurtë me një përqindje 4 herë më të lartë nitrat argjendi dhe nuk hiqet.
“Problemet janë shumë të pakta po të llogaritësh se kemi 4750 QV në gjithë vendin.
Kishim probleme në momentin e parë me bojën e vulave, disa nga kutitë e bojës nuk ishin të mbushura dhe kompensuam menjëherë”- tha ai.
Pjesëmarrja deri në orën 16.00 në disa qarqe

Berati 45%
Dibra 42 %
Fier 45 %
Lezha 39 %
Shkodra 41 %
Tirana 41 %
Pjesëmarrja në votime sipas KQZ-së, deri në orën 14.30

Berat 37%
Dibër 31%
Durrës 34 %
Elbasan 37%
Fier 38 %
Korcë 35%
Kukës 41%
Lezhë 34%
Shkodër 35%
Tiranë 38%
Vlorë 33 %

Burimi: shekulli.com.al

Burimi lajmit Gazeta shqiptare

TIRANË- Kreu i PS-së, Edi Rama i ka quajtur të pabesueshme Exit Poll-et dhe ka kërkuar ndjekjen me qetësi dhe transparencë të fazës më të rëndësishme të procesit, atë të transportit të kutive dhe numërimit të votave. Pas publikimit të sondazheve që nxjerrin fitues Partinë Demokratike, Rama ka deklaruar prerë se procesi duhet të bëhet deri në fund transparentë para popullit. “Atë që vetë ky popull ka vendosur sot dhe është ndryshe. Nuk mund të ketë Exit Poll të besueshëm në një vend që deri ditën e fundit opozita duhet të inkurajonte qytetarët që të mos i dorëzoheshin presioneve”- tha Rama, nga selia e PS-së.
Ai ka shtuar se PS-ja e ka pasur dhe e ka bërë sondazhin e saj. “Sondazhi ynë flet qartë për një avantazh të konsoliduar gjatë gjithë muajve, të PS dhe Bashkimit për Ndryshim. Të dhënat tona sot flasin qartë se avantazhi gjendet brenda kutive”- tha ai, duke i quajtur sondazhet eksperiment të gabuar, në kohën dhe në vendin e gabuar.
Ndërhyrjen përmes kësaj konference shtyp Rama e ka quajtur domosdoshmëri, pasi sipas tij, ky është një moment historik, një moment kur populli shqiptar kërkon të lexojë qetësisht vendimin që ka marrë sot në kutitë e fshehta dhe nuk ka vend për farsa të kësaj natyre dhe për tejzgjatje mbi spekulime dhe hamendësime që nuk kanë të bëjnë me realitetin e sondazheve dhe as me realitetin e ditës së sotme të votimit.

Burimi: Shekulli.com.al

Burimi lajmit Gazeta shqiptare

TIRANË- Pas procesit të transportit të kutive nga qendrat e votimit në ato të numërimit të votave, ka nisur procesi i numërimit në disa qendra në vend. Tre zonat e para që kanë nisur procesin e numërimit të votave janë Kukësit dhe Delvina. Lajmi është dhënë nga ECA dhe KRIK, e cila në një dalje të posaçme për mediat ka njoftuar se do të pasqyrojë hap pas hapi këtë proces shumë të rëndësishëm.

Ndërkohë, kryetari i KQZ-së, Arben Ristani, informoi në orët e para të mëngjesit të sotëm nisjen e procesit të numërimit të votave në KZAZ-të në mbarë vendin.
Ai publikoi rezultatin e parë të ardhur nga një KZAZ e Kukësit dhe njoftoi mbërritjen e proceverbalit të parë në mënyrë elektronike.
Meqë është e para tabelë e rezultateve, pas numurimit të një kutie votimi, Ristani publikoi të dhënat e saj. “Numri i zgjedhësve që kanë votuar është 851, fletë votimi të papërdorura 439, fletë votimi të dëmtuara 14, fletë të gjetura në kuti 851, vota të pavlefshme 22, vota të vlefshme 829. Nga këto 577 vota janë fituar nga Aleanca e Ndryshimit, nga Poli i Lirisë 2 vota, nga LSI 14 vota, Bashkimi për ndryshim 235″, lexoi kryetari i KQZ-së rezultatet e një kutie votimi në një KZAZ të Kukësit.
Në sajë të teknologjisë së përdorur në këto zgjedhje procesi i numërimit të votave në VNV shihet direkt në selinë e KQZ-së në sajë të kamerave të instaluara aty. Pamjet në ekranet e vendosur ndryshohen në çdo 30 sekonda, ku paraqiten momente nga numërimi i votave në të gjitha VNV-të në vend.

Garantojmë transparencë
Kryetari i KQZ-së, Arben Ristani deklaroi se “procesi i numërimit të votave do të funksionojë pa probleme”. “Mbajtja nën kontroll e vendeve të numërimit të votave (VNV) dhe informacioni i marrë online prej tyre do të garantojnë një proces shumë transparent”, siguroi kryetari i KQZ-së.
Sipas tij, vendosja e ekraneve në selinë e KQZ-së në lidhje të drejtpërdrejtë me të gjitha VNV-të në vend siguron vëzhgimin e të gjithë procesit, duke filluar me marrjen në dorëzim të kutive të votimit dhe më pas të numërimit të tyre.
Duke informuar për votimet e zhvilluara sot z. Ristani tha se në 5 QV nuk është hapur procesi i votimit, ndërsa në 3 QV të tjera ai është ndërprerë. “3 QV-të e dyta do të jenë në proces vlerësimi nëse do të llogariten apo jo, ndërsa për 5 QV-të e para është e sigurt se ato nuk do të prodhojnë rezultat dhe kjo shpjegohet në ligj”, tha kreu i KQZ-së
Ndërkohë, policia e Shtetit me mbylljen e procesit të votimit ka kaluar në një fazë tjetër të rëndësishme të detyrave të saj zgjedhore, që është shoqërimi i kutive me fletët e votimit nga qendrat e votimit për në vendet e numërimit të votave, bënë të ditur burime të kësaj Policie.

Burimi: shekulli.com.al

Burimi lajmit Gazeta shqiptare

TIRANË- Qarku Tiranë numërohen 121 kuti, (826 totali) në avantazh është PS me 45.6% të votave të numëruara. PD rezulton me me 39.8% të votave. Lëvizja Socialiste për Integrim 4.62%, LZHK 1.32%, PR 1.2%, PSD 1%.
Qarku Kukës, numërohen 75 kuti (217 totali), kryeson PD me 59%. PS me 16.26% të votave, PSD 12.3%, PR 4.8%, LSI 2,4%, PLL 1,2%.

Qarku Berat, 53 kuti të numëruara PS 46,8%, PD 28.3%, PR 7.2%, LSI 12.1%.

Qarku Durrës 72 kuti të numeruara (352 gjithsej), PS 40.7 %, PD 48.5 %,LSI 4.6 %

Qarku Vlorë 52 kuti (345 totali), PS 43.6 %, PD 26.2 %, LSI 2.8%, PDS 5.9%, PBDNJ 4.9%. PAA 1.8%

Qarku Fier, numërohen 51 kuti (488 gjithsej), PS 48.9%, PD 33.2%, LSI 4.9%, PLL 3.4%, PSD 1.0%, PR 1.5%
Qarku Gjirokaster, 50 kuti të numëruara (285 gjithsej), PS 42.2 %, PD 42.8 %, PR 2.7, PSD 2.3 %, LSI 1.7%.
Qarku Korçe 58 kuti të numeruara nga 421 gjithsej: PD 43.4%, PS 39.9%, PBDNJ 2.4%, LSI 4.2%, PR 1.6%, PSD 1%

Qarku Lezhë 15 kuti te numeruara nga 244 gjithsej: PD 51.3 %, PS 28 %, PSD 5.8 %, PAA 3.6 %, PSV91 3.0 %

Qarku Dibër numërohen 19 kuti (314 gjithsej): PD 45.8%, PS 34.2%, LSI 5.6%, LZHK 2.9%, PR 1,7%, PSD 1.2 %

Qarku Shkodër 45 kuti të numëruara nga 413 gjithsej: PD 47.2%, PS 33.7%, PR 4%, LSI 2.7%,PDK 2.5%,PAA 2.1%

Qarku Elbasan 62 kuti të numeruara nga 550 gjithsej: PS 43.6%, PD 36.6, LSI 6.6%, PR 2,4%, PSD 1.3%, PDI 1.3%
****************

Zgjedhjet, rezultatet e para zyrtare

ora 03:00
TIRANË- Hapja e kutive të para të votimit ka përmbysur krejtësisht situatën e paraqitur nga sondazhet dhe exitpoll-et pasdites.
Të dhënat nga qytetet e Tiranës, Korçës dhe Beratit kanë nxjerrë si favorite Partinë Socialiste, e cila në këto qytete kryeson me më shumë se 10 për qind të votave në krahasim me Partinë Demokratike.
Kjo e fundit projektohet si fituese në qarqet e Kukësit dhe Lezhës me një diferencë shumë të madhe. Rezultatet paraprake që publikohen nga Shekulli janë grumbulluar deri në orën 03.00 të mëngjesit.
Rezultatet e para në Tiranë kanë qenë surprizë edhe për Partinë Socialiste. Kutia e parë që është hapur dhe numëruar është e zonës së Kamzës. Në të kryeson PS me 48% të votave e ndjekur nga PD me 38.5.
Kjo është vetëm kutia e parë por në një zonë të konsideruar si bastion të PD-së. Ndërkohë në Korçë PS kryeson me 56.82% më shumë se dy kutitë e para. Në Berat socialistët janë gjashtë për qind përpara.
Ndërkohë PD kryeson ndjeshëm në zonat e Kukësit dhe të Lezhës. Në Kukës janë hapur 41 kuti votimi dhe PD kryeson me 54.26% të votave kundrejt 13.22% të PS-së. Edhe në Lezhë avantazhi i PD-së është i lartë. Në dy kuti ajo ka grumbulluar me rreth 20% më shumë vota se sa PS.
Për rrethet e tjera situata është ende e paqartë pasi numërimi i votave ka nisur shumë me vonesë dhe ende nuk janë publikuar rezultatet e para.
Ajo që bie në sy në këto zgjedhje është numri tepër i vogël i votave që kanë marrë partitë e vogla.
Përveç LSI-së në Berat dhe PSD-së në Kukës, partitë e tjera të vogla janë pothuajse të papërfillshme. Kreu i ECA, Ilirjan Celibashi, ka shpjeguar rreth orës 02.30 të ditës së djeshme se projeksionet do të marrin formën e qartë rreth orës 05.00 të mëngjesit, kur të jetë numëruar një përqindje e mirë e votave që kanë dhënë shqiptarët në 28 qershor.
Në orët e paradites pritet që situata të qartësohet tej mase dhe në këtë kohë mund të flitet për një fitues të qartë.
Në Gjirokastër në tre kutitë e para të votimit nga numërimi, kryeson PS me 49.02%, e ndjekur nga PD me 43.14%.
Tiranë 1
PS 48.22
PD 38.51
LSI 3.56
PSD 3.24
PAA 2.27
PR 1.29
Korçë 3 kuti

PS 56.82%,
PD 40.15%,
PSD 1.52%,
Kukës 14

PD 54.26%,
PS 13.22%,
PSD 17.4%,
PR 6.59%,
Lezhë 2

PD 46.95
PS 24.41
PR 5.16
PDK 4.23
LDK 3.76

Berat 7

PS 41.85
PD 35.83
LSI 7.31
PR 5.82%,
Gjirokastër 3 kuti votimi
PS: 49.02%,
PD: 43.14%,
BLD:3.92%,
PSD: 3.92%.

Burimi: Shekulli.com.al

Burimi lajmit Gazeta shqiptare

Vazhdon me ritme të ngadalta por pa incidente procesi i numërimit në të gjithë vendin. Sipas rezultateve të updeituara deri në orën 09.37 të mëngjesit të sotëm nga vëzhguesit e projektit ECA-s dhe KRIIK rezulton se në rang vendi PS kryeson me 40. 95 % kundrejt 39.67 % që ka PD. Përsa i përket mandateve PD deri në këtë orë, në rang vendi, kryeson 67 mandate, kundrejt PS me 64. Janë numëruar 756 kuti votimi nga 4753 të tillamandate.

TIRANE- Sipas rezultateve të updeituara deri në orën 09.37 të mëngjesit të sotëm nga vëzhguesit e projektit ECA-s dhe KRIIK rezulton se në rang vendi janë numëruar 756 kuti votimi nga 4753 të tilla. Pwrsa i përket mandateve Partia Demokratike deri në këtë orë, në rang vendi, kryeson 67 mandate, kundrejt PS me 64 mandate. Ndërsa në rang përqindjeje PS kryeson me 40. 95 % kundrejt 39.67 % që ka PD.

Në kryeqytet deri në orën 09.37 minuta janë numëruar 140 nga 826 kuti votimi.

Rezultatet bëjnë të ditur se nga 32 mandate që do të dalin në qarkun e Tiranës 16 janë të Partisë Socialiste, 15 PD dhe 1 mandat është i LSI.

Në rang vendi PD kryeson me 67 mandate, PS ka 64 mandate, LSi ka 4 mandate, PLL , PDI, PBDNJ, PR, PSD kanë nga një mandat. LDLNJ dhe PRRL deri tani nuk kanë asnjë mandat.

Përqindja në rang vendi e partive deri në orën 09.37 minuta ishte e tillë PS kryeson me 41. 06%, Partia Demokratike ka 39.53 %. Më pas vjen LSI me 5,19 %, PSD 2.37 %%, PR 2.27 %, PBDNJ 1.16 %, G 99 me 0.87 %, PLL ka 0.86 %, PDI ka 08%, PDK 0.69 % dhe PAA 067 %.
(s.g/BalkanWeb)

Burimi lajmit Gazeta shqiptare

• Ngjarja ndodhi në orën 15:00 të pasdites së të shtunës, ku një person edhe pse pa armë dhe i maskuar vetëm me një kapele, mundi t’i marrë me forcë lekët e arkës së postës. Policia ben te ditur se ka identifikuar autorin

TIRANE- Policia identifikon grabitësin e 18 mijë lekëve të reja në filialin e 13-të të Postës Shqiptare, e cila ndodhet në Qytetin Studenti. Ngjarja ndodhi në orën 15:00 të pasdites së të shtunës, ku një person edhe pse pa armë dhe i maskuar vetëm me një kapele, mundi t’i marrë me forcë lekët e arkës së postës. Policia mori në pyetje punonjësen e filialit të postës, e cila kreu edhe përshkrimin e tipareve të autorit dhe theksit e dialektit që kishte përdorur në të folur. Burimet policore nuk kanë bërë të ditur identitetin e autorit për arsye hetimi, por kanë konfirmuar se bëhet fjalë për një adoleshent përdorues droge. Thuajse në të njëjtën zonë, në afërsi të Bankës Amerikane një javë më parë u grabit një pikë bastesh sporteve, ku dy persona mundën t’i merrnin 10 mijë lekët e reja të xhiros punonjësit të lokalit. Sipas policisë, të dyja ngjarjet dyshohet se kanë lidhje me njëra-tjetrën dhe kryhen nga i njëjti grup grabitësish.

(d.b/BalkanWeb)

Burimi lajmit Gazeta shqiptare

Janë 7 gjykata që kanë të drejtë këtë gjykim, gjykata rrethesh që kanë kompetencat e tyre në qytetet e ndryshme të vendit. Kështu, gjykata e Tiranës ka kompetencë në rrethet gjyqësore Dibër, Krujë, Kurbin, Mat si dhe Tiranë

TIRANE-Presidenti Topi ka dekretuar krijimin e seksioneve penale për gjykimin e të miturve. Janë shtatë gjykata që kanë të drejtë këtë gjykim, gjykata rrethesh që kanë kompetencat e tyre në qytetet e ndryshme të vendit. Kështu, gjykata e Tiranës ka kompetencë për gjykim të këtyre çështjeve në rrethet gjyqësore Dibër, Krujë, Kurbin, Mat si dhe Tiranë. Ndërsa Durrësi përfshin vet qytetin e Durrësit si dhe atë të Kavajës. Gjykata e Shkodrës ka kompetencë të gjykojë çështjet e ardhura nga rrethet gjyqësore Lezhë, Kukës, Pukë, Tropojë si dhe vetë qyteti. Ky dekret ishte propozim i ministrit të Drejtësisë, Enkelejd Alibeaj. Presidenti dekretoi dhe caktimin e kompetencave tokësore dhe të qendrës së ushtrimit të veprimtarisë së gjykatave të Apelit. Kështu, gjashtë gjykata apeli të Tiranës, Durrësit, Shkodrës, Vlorës, Korçës dhe Gjirokastrës kanë një shpërndarje kompetencash tokësore dhe të ushtrimit të aktivitet.

(d.b/BalkanWeb)

View full post on Gazeta shqiptare

Shqipëria do të përballet javën që vjen me një valë të nxehti afrikan. Termometri do të shënojë të mërkurën dhe të enjten shifrën më të lartë të muajve të verës, të paktën deri tani, mbi 38 gradë celsius

TIRANE-Largohen shirat, java që vjen do të jetë me temperatura të larta deri në 39 gradë celsius. Shiu dhe era e kësaj të shtune ishin epilogu i një kohë të paqëndrueshme. Shqipëria do të përballet javën që vjen me një valë të nxehti afrikan. Termometri do të shënojë të mërkurën dhe të enjten shifrën më të lartë të muajve të verës, të paktën deri tani, mbi 38 gradë celsius. Përmirësimi i motit filloi nga dita e djeshme dhe do të jetë i tillë gjatë gjithë javës, lajm i mire ky sidomos per pushuesit qe kane mbushur plazhet shqiptare kete vere.
Dy javet qe kaluan u shoqeruan paraditeve dhe mbasditeve me shira te vazhdueshme pothuajse cdo dite. Temperaturat zbriten me 4-5 grade.

(d.b/BalkanWeb)

View full post on Gazeta shqiptare