Qeveria e Kosovës ka nënshkruar me Bankën Botërore dy marrëveshje në vlerën e mbi 20 milionë dollarëve.

Projekti në vlerë 12.3 milionë dollarë ka të bëjë me regjistrimin e pasurive të patundshme dhe kadastrën, kurse projekti i dytë në vlerë prej 8 milionë dollarësh synon modernizimin e sektorit publik./rel/

Burimi lajmit Lajme.Org

Një shtet mund të ketë çdo lloj kontakti me një shtet tjetër edhe pa e njohur. Në këtë frymë Serbia mund të bashkëpunojë me Kosovën e kjo nuk do të thotë njohje e pavarësisë së Kosovës”, ka deklaruar për mediat serbe ambasadori britanik në Beograd.

Ky i fundit nënvizon se është e rëndësishme që Prishtina dhe Beogradi të fillojnë të bashkëpunojë për probleme praktike, çfarë nuk do të thotë njohje e pavarësisë.

Uordsuroth ka marrë si shembull ilustrues rastin e dy gjermaniv./rel/

Burimi lajmit Lajme.Org

Kryeministri i Republikës së Kosovës, Hashim Thaçi priti sot pas dite në takim kryeministrin e Mbretërisë së Belgjikës , Yves Leterme  me të cilin ka biseduar për bashkëpunimin  bilateral mes Kosovës dhe Belgjikës.

Pas takimit që zhvilluan, Kryeministri Thaçi në emër të Qeverisë së Republikës së Kosovës, dhe kryeministri Leterme në emër të Unionit Ekonomik Belgjikë-Luksemburg nënshkruan Marrëveshjen për mbrojtjen dhe promovimin reciprok të investimeve.

Kryeministri i Mbretërisë së Belgjikës, Yves Leterme, me këtë rast ka ftuar kryeministrin e Republikës së Kosovës, Hashim Thaçi për një vizitë zyrtare në Bruksel, ftesë të cilën kryeministri Thaçi e pranoi me kënaqësi.

Në një konferencë për media, pas takimit kryeministri Thaçi falënderoi kryeministrin Leterme për mbështetjen e plotë që Belgjika i ka dhënë Kosovës në vazhdimësi.

Kryeministri Thaçi theksoi vizionin e Qeverisë së Republikës së Kosovës për thellimin e  bashkëpunimit mes dy vendeve në të gjitha rrafshet.

“Perspektiva e Kosovës është perspektivë evropiane. Kosova do të jetë pjesë e NATO dhe e BE-së. Jemi duke ndërruar raporte të shkëlqyeshme me të gjitha vendet e rajonit, kemi vullnet të mirë që të kemi raporte të mira bashkëpunimi me edhe me Serbinë, si dy shtete të pavarura, në shërbim të paqes, stabilitetit, bashkëpunimit rajonal, perspektivës evropiane”, u shpreh z.Thaçi.

Kryeministri Hashim Thaçi në takim e ka njoftuar homologun e tij belg edhe për hapat që do të ka ndërmarrë dhe do të ndërmerr Qeveria e Republikës së Kosovës në procesin e zhvillimit ekonomik.

“Investitorët nga Belgjika janë të mirëseardhur, në Kosovë është krijuar klime e mirë për investim,e biznesin, por edhe mundësi të reja të gjithanshme”, tha kryeministri Thaçi duke ritheksuar ftesën për investitorët belgë.

Kryeministri i Mbretërisë së Belgjikës, Yves Leterme tha se Belgjika është ndër shtetet e para që ka njohur shtetin e Kosovës, si dhe shprehu gatishmërinë e shtetit të tij për të inkurajuar edhe shtetet tjera që ta njohin Kosovën.

“E ardhmja e Kosovës është në Bashkimin Evropian. Edhe pse kjo rrugë sot mund të duket e vështirë dhe me shumë pengesa, Belgjika është e gatshme që ta ndihmojë Kosovën në këtë rrugë. Integrimi i Ballkanit Perëndimor nuk do të kompletohet pa Kosovën”, tha Leterme.

Kryeministri Leterme theksoi se raportet bilaterale me Kosovën janë të shkëlqyeshme dhe ato do të thellohen posaçërisht në fushën e ekonomisë.

“Kosova ka nevojë për më shumë zhvillim ekonomik, më shumë vendime sikurse janë marrë për energjetikën, për telekomin. Ne do t’ju ndihmojmë dhe ka mundësi të reja që shumë ndërmarrje belge të investojnë në Kosovë”, potencoi Leterme.

Burimi lajmit Lajme.Org

Kryeministri i Kosovës Hashim Thaçi ka marr ftesë zyrtare për pjesëmarrje në konferencën për të ardhmen evropiane të Ballkanit Perëndimor, që do të mbahet me 20 mars në Bërdo të Sllovenis.

Ftesa e publikuar sot nga kabineti i kryeministrit Thaçi është e nënshkruar nga kryeministrat e Sllovenisë dhe Kroacisë. Në këtë ftesë i drejtohen kryeministrit Thaçi si shkëlqesia e tij kryeministër i Kosovës. Zyrtarisht, sot kryeministri Thaçi, ka pranuar ftesën nga nikoqirët e kësaj konference si Kryeministër i Kosovës dhe jo nën logon UNMIK/Kosovo, siç kanë paralajmëruar dje mediat serbe.

Mediat serbe kanë raportuar paraprakisht se Kosova në këtë takim do marr pjesë me mbishkrimin UNMIK-Kosovo. Ndërsa dje, Presidenca e Kosovës, ks reaguar ndaj paralajmërimeve të disa mediave serbe se, udhëheqësit kosovar kanë pranuar të udhëtojnë në konferencën në Bërdo me logon UNMIK/Kosovo. Zyra për informim e Presidncës ka reaguar duke sqaruar se Presidenti Sejdiu do të udhëtojë në Bërdo vetëm si President i Republikës së Kosovës dhe nën asnjë kusht tjetër.

Burimi lajmit Lajme.Org

Institucionet e Republikës së Kosovës ende nuk janë të gatshme që me ndonjë ndërhyrje policore të shuajnë funksionimin e strukturave paralele në Kosovë, apo të mundësojnë shtrirjen autoritetit të tyre edhe në veri të vendit.

Sipas ministrit të Punëve të Brendshme, Zenun Pajaziti, edhe gjatë vitit 2010 Qeveria e Kosovës do të jetë e kujdesshme dhe e matur në veprimet e saj karshi veriut dhe strukturave paralele në vend.

Qëndrim të ndryshëm nga ministri Pajaziti, të shtunën, kanë pasur zyrtarë të Presidencës së Kosovës. Ata kanë thënë për “Kohën Ditore” se ndërhyrja e policisë, nuk duhet mohuar si mundësi për shuarjen e strukturave paralele.

Vjosa Osmani, këshilltare e lartë ligjore e presidentit Fatmir Sejdiu, e ka vlerësuar funksionimin e strukturave paralele si shkelje e Kushtetutës së Kosovës, andaj, sipas saj, për shuarjen e këtyre strukturave, nuk duhet përjashtuar ndërhyrja e policisë.
Mirëpo, sipas ministrit Pajaziti ndërhyrja e policisë në shuarjen e strukturave paralele apo edhe në stabilizimin e situatës në veri të vendit, nuk është rruga që do të ndjekë Qeveria e Kosovës.

“Dëshiroj të them se rruga e zgjidhjes së telasheve atje do të jetë e kujdesshme. Ju e dini se ne kemi pasur një presion të publikut për mbylljen e zyrave të strukturave paralele edhe në pjesët e tjera të vendit. Ne kemi pasur disa herë plane të veçanta për mbylljen e atyre zyrave, dhe i kemi pasur edhe kapacitetet, por përherë kemi zgjedhur rrugë të tjera.

Nuk kemi dashur asnjëherë që të ketë skena të dhunës. Nuk kemi dashur që dikush duke i shfrytëzuar pamjet e mundshme nga intervenimet tona të konstatoj se pohimet për Kosovën si vend i destabilizuar janë të vërteta”, ka thënë Pajaziti, sipas të cilit, për veprime të tilla institucionet e Kosovës preferojnë ta kenë edhe mbështetjen e partnerëve ndërkombëtarë. /Koha/

Burimi lajmit Lajme.Org

Dy ish-të dashurit, Cameron Diaz dhe Justin Timberlake, do të bashkohen në ekranin e madh për të realizuar komedinë “Bad Teacher”.

Diaz do të luajë mësuesen e shkollës së mesme e cila ka për qëllim të vjedhë të dashurin e koleges, që luhet nga Timberlake.

Komikët Molly Shannon dhe Jason Segel po ashtu do të luajnë në filmin e regjisorit Jake Kasdan, që do të fillojë të xhirohet në muajin prill në Los Angeles.

Timberlake dhe Diaz u ndanë në vitin 2007 pasi ishin në lidhje për po thuajse katër vjet. Ylli i muzikës që atëherë ka gjetur dashurinë në aktoren Jessica Biel.

Burimi lajmit Lajme.Org

Me një strategji dhjetëvjeçare Komisioni i BE-së synon t’i japë hov rritjes ekonomike dhe të krijojë vende të reja pune në Evropë.

Presidenti i Komisionit, José Manuel Barroso, prezantoi në Bruksel të ashtuquajturën “Strategjia 2020″. Ai pret që me anë të saj të arrihet një rritje prej të paktën 2%.

Paketa përmban objektiva konkretë për rritjen ekonomike në vendet anëtare, si dhe ndihma financiare për anëtarët më të dobët financiarisht.

Kryetarët e qeverive të vendeve të BE-së do ta diskutojnë strategjinë e re në samitin e tyre të ardhshëm në fund të marsit.

Burimi lajmit Lajme.Org

Aksionet aziatike u rritën për të katërtin sesion rresht dhe euroja e zgjeroi reagimin ndaj dollarit të mërkurën, pasi investitorët u mbajtën pas shpresave se do të ketë një paketë ndihme për Greqinë.

Indeksi MSCI i Azi-Paqësorit pa Japoninë u rrit 0,5 përqind, i ndihmuar nga aksionet në sektorin e materialeve, pasi çmimet e mallrave parësore u shtynë për lart.

Në Japoni, indeksi Nikkei u rrit 0,31 përqind, ndërsa indeksi më i gjerë Topix u rrit 0,33 përqind. Në Korenë e Jugut indeksi Kospi u rrit 0,45 përqind, ndërsa në Australi indeksi ASX u rrit 0,72 përqind.

Në Kinë SSEC e Shangait u rrit 0,62 përqind, ndërsa indeksi Hang Seng i Hong Kongut u rrit 0,03 përqind. Rritjen e bursave aziatike e ka kryesuar rritja e Toyota-s, e cila është rritur mbi 3 përqind në bursë.

Burimi lajmit Lajme.Org

Në Klubin e Biznesit të Odes Ekonomike të Kosovës sonte u prezantua kompania “Cimarosti” e specializuar për transport ndërkombëtar.

Kryetari i Odes Ekonomike të Kosovës Besim Beqaj me këtë rast theksoi se ndërrmarrësite e ri, në këtë rast themeluesit e “Cimarosti” po konfirmojnë se mund të ketë kompani të suksesshme dhe se ndërmarrjet të cilat formohen në Kosovë janë rezultat i angazhimit të mjeteve financiare të familjarëve të kursyera me vite të tera.

“Ky takim është vazhdim i përcaktimit te OEK-ut qe te promovon ndërmarrjet e reja te cilat ofrojnë shërbime ekselence ne lëmine ne te cilën veprojnë. Kjo është posaçërisht e rëndësishme kur prezantojmë ndërmarrjet te cilat kane zgjeruar veprimtarinë e vet edhe jashtë Kosovës”, tha kryetari Beqaj.

Kryetari i OEK-t theksoi se Oda është duke u angazhuar pa ndërpre për krijimin e kushteve për afarizëm sa me te suksesshëm. Ne këtë  drejtim, siç tha Beqaj janë ndërmarr nisma konkrete, ne qeveri janë dërguar propozime te shumta.

“Jemi ne momentin e hartimit te platformave zhvillimore te cilat do te ia japim qeverise dhe institucioneve tjera si orientim se ka duhet te shkon zhvillimi ekonomik i Kosovës”, tha ai.

Duke theksuar se viti 2010 do te jete i vështirë për Kosovën dhe do te kërkon angazhim, bashkëpunim te ndërsjellë institucional dhe energji te jashtëzakonshme ne biznes, Beqaj theksoi se OEK-u është duke u angazhuar për promovimin e Kosovës se brend dhe hapjen e  mundësive për tregje te reja për biznesin kosovar.

Kryetari i Odes njoftoi te pranishmit se sot është nënshkruar një marrëveshje bashkëpunimi  ne mes te OEK-ut dhe Agjencisë për Promovimin e Investimeve ne Kosovës, me te cilën synohet koordinimi i aktiviteteve dhe stafit ne mënyrë qe te ketë paraqitje sa me bindëse jo veten për te promovuar investimet por njëkohësisht ne krijimin e kushteve për investime.

“Sepse promovimi me i mire është ti krijojmë kushte te mira biznesit vendor dhe ai te jete promotori me i suksesshëm për biznes jashtë vendit. Ky është prioriteti numër një i Odes dhe do te kërkoj bashkëpunimin e juaj, qe me idetë, propozimet dhe kritikat e juaja  te shkojmë drejte krijimit te një ambienti te mirëfilltë biznesor ”, tha Beqaj.

“Ne këtë mënyrë do te krijojmë një ekonomi e cila nuk rritet vetëm ne baze te investimeve publike por ne baze te aktiviteteve te bizneseve te Kosovës”, konkludoi kryetari i OEK-ut.

Duke përshëndetur pjesëmarrësit e Klubit te Biznesit ambasadori i  Konfederatës se Zvicrës ne Kosove, Llukas Berlinger theksoi se zhvillimi ekonomik është çelësi për te ardhmen e Kosovës dhe se zhvillimi ekonomik varet nga forca e ndërmarrjeve private.

“ Qeverise time ne Zvicër do te ia barti porosinë qe promovimit te  sektorit privat te Kosovës ti kushtohet kujdes me i madhe”, tha ambasadori Berlinger.

Ai kërkoi qe institucionet e vendit te krijojnë kushte qe diaspora kosovare por edhe investitorët e huaj te mos hezitojnë te investojnë ne Kosove.  Ai kërkoj nga përfaqësuesit e biznesit qe te lobojnë te qeveria qe dhe te shtyjnë qeverinë qe te rregulloj kushte te cilat do te mundësonin ecje përpara.

Zëvendës ministri i Forcës se Sigurisë se Kosovës, Behxhet Brajshori theksoi se për te siguruar suksesin e nje vendi nevojiten qe sektori privat dhe institucionet e te ecin bashkërisht ne zhvillimin ekonomik te vendit.

“Është e nevojshme qe ne çdo moment te provokohet qeveria me propozime te mira te biznesit, pasi qe bizneset ne mënyrën me te mire te mundshme hetojnë te metat qe vet qeveria i bene ne kuadër te veprimtarisë se vet ne mbështetje te biznesit”, tha Brajshori.

Ai vlerësoi se për zhvillim ekonomik nuk do te janë te mjaftueshme investimet publike nga grantet qeveritare por se nevojitet një partneritet i mirëfilltë publiko privat.

Valon Ukaj, menaxher operacional  i “Cimarostit” duke prezantuar kompaninë tha se është themeluar ne vitin 2006 dhe se merret ekskluzivisht me transportin ndërkombëtar dhe logjistiken e veprimtarisë se transportit.

“Cimarosti ofron shërbimet e transportit ne tere regjionin e Evropës Juglindore. Kjo nënkupton transportin tokësor e ajror, rrugor dhe hekurudhor, shërbimet e deponimit dhe logjistikes si dhe shërbimet e shpedicionit. Ne gjithashtu i koordinojmë te gjitha  aktivitete e transporti duke filluar nga pika e ngarkimit deri te pika e shkarkimit, ofrojmë zgjidhje te shpejta, me çmime te volitshme duke falënderuar rrjetit tone. Ne kemi ne dispozicion mbi 200 kamionë dhe veprimtarinë tone e realizojmë ne tere territorin e Ballkanit Perëndimor”, tha Uka.

Burimi lajmit Lajme.Org

Policia spanjolle shkatërroi rrjetin më të madh të hakerëve në botë, i cili ka infektuar 13 milionë kompjuterë në mbarë botën, ndërsa gjatë operacionit janë arrestuar tre persona.

Hakerët i kanë infektuar kompjuterët e personave fizikë nga të gjitha pjesët e botës, duke ua vjedhur të dhënat nga kartelat kreditore, emrat e shfrytëzuesve, parullat apo informat tjera të besueshme.

I ashtuquajturi rrjetë Mariposa për herët të parë është zbuluar në maj të vitit 2009 nga firma shtetërore kanadezë për mbrojtjen e informatave.

Tre të arrestuarit janë shtetas spanjollë të moshës prej 25 deri 31 vjeçe.

Burimi lajmit Lajme.Org