Ekipi gjerman i dokumentarit ” The flag bearer” konkurues në festivalin e filmit në Durrës. Filma artistikë dhe dokumentarë nga Europa dhe Ballkani po konkurojnë në edicionin e tretë të Festivalit Ndërkombëtar të Filmit në Durrës, për “Gladiatorin e Artë” dhe çmime të tjera. Europa dhe Ballkani.

Duket si një hap i vogël i rrjetit të madh social, me të cilin ai po synon t’i përmirësojë rezultatet e kërkimit.

Kjo është një lëvizje tjetër e cila tregon haptazi se Facebook po rivalizon me Google, edhe sa i përket motorit të kërkimit. Tani, Facebook është duke paraqitur edhe lajmet e fundit dhe artikuj të ndryshëm në faqen e saj.

Rrjeti social madje e ka krijuar edhe një mekanizëm për rangimin e tyre, duke i paraqitur më lartë ato lajme ose artikuj që marrin më shumë “likes” ose “shares” në këtë faqe, nga përdoruesit e saj.

Madje, kjo është konfirmuar edhe në blogun, All Facebook, ku thuhet se numri i pëlqimeve të një lajmi të caktuar, gjithsesi do ta ndikojë edhe nivelin e rangimit të atij lajmi. / Telegrafi /

Trupi i të ndjerit Michael Jackson mund të zhvarroset si pjesë e tentimeve për të dëshmuar se ai është mbyllur pa dashje nga Conrad Murray, bëjnë të ditur mediat angleze.

Sipas News of the World, avokatët e mjekut dëshirojnë t’i sfidojnë supozimet se ai e ka mbytur yllin e ndjerë me një mbidozë të Propofolit. Ata raportohet se dëshirojnë ta kontestojnë autopsinë origjinale dhe të dëshmojnë se Jackson kishte mundur të vdesë edhe nga forma të tjera të keqpërdorimit të barërave.

“Kjo është një situatë e tmerrshme të cilës ia ka pasur frikën familja. Ata e kanë varrosur Michael dhe që ai të rikthehet është tmerr”, ka thënë një mik i familjes.

Përfaqësuesi ligjor Ed Chernoff supozohet se ka dhënë leje që pjesët e trupit të Jackson, të marra pas vdekjes, të mund të ritestohen. Por nëse kjo nuk do të kryejë punë atëherë trupi këngëtarit të ndjerë mund të zhvarroset për t’u testuar përsëri. /Telegrafi/

Prej 8 shtatorit mund të konsumohet mish njeriu në Berlin. Ky është propozimi për klientët i një restoranti të ri brazilian.

Lokali do të ofrojë kuzhinë kanibale të traditës më të mirë të Warima-s dhe do të jetë restoranti i parë jashtë vendit i Eduardo Amado, që tashmë ka një në Brazil.

Lajmi është përhapur në Berlin duke ngjallur kuriozitet, zemërim dhe skepticizëm. Disa mendojnë se bëhet fjalë vetëm për një gjetje publicitare.

Autobusi “fluturues”, i konceptuar nga inxhinierë kinezë dhe ndërtuar nga Shenzehn Hashi Corporation, mundet të quhet më saktë si një autobus me “këmbë të gjata”.

Rrotat mbi të cilat do të ecë do të vendosen në anë të rrugës, mbi këto gjendet një tunel 2.2 metra në pjesën e sipërme të të cilit do të lëvizë autobusi, i ushqyer nga energjia diellore.

Hakerët për modelin e telefonit celular “Nokia 1100” po ofrojnë shuma të mëdha.

Emisarët e tyre, hakerët nga vendet e tjera po i dërgojnë në gjithë Ballkanin në kërkim të këtyre telefonave celularë, transmeton portali 24sata.

Në fakt, “Nokia 1100” është një armë jashtëzakonisht e fuqishme e hakerëve. Ky telefon celular, i prodhuar ekskluzivisht në qytetin gjerman Bohum, ka të ashtuquajturin gabim fabrike, i cili mundëson kapjen e transaksioneve bankare dhe tërheqjen e parave nga bankomati. Në fakt, “Nokia 1100” ka dalë në treg që në vitin 2003 dhe është telefoni celular më i shitur në botë, pasi që është shitur në mbi 200 milionë njësi.

Ekspertët evropianë dhe botërorë që para dy vjetëve kanë paralajmëruar publikisht për rrezikun që sjellë “Nokia 1100” dhe atë modelet rh 15, 16, 17 dhe 18.

Gjithë situatën e shpjegon e dhëna e publikuar nga mediet gjermane, se në internet çmimi i telefonit celular “Nokia 1100” të prodhuar në Bohum ka arritur çmimin e pabesueshëm prej 30 mijë euro.  //lajme.org

Në botë po paraqiten kërkesa gjithnjë e më bizare në fushën e kirurgjisë estetike. Kështu një grua kërkoi që t’ia transplantojnë edhe gjirin e tretë, por kërkesën e saj e kanë refuzuar të gjithë kirurgët me të cilët ka komunikuar dhe për fat më në fund edhe ajo vetë ka hequr dorë nga kjo kërkesë bizare.

Rasti ka ndodhur në Kroaci, kur në fillim të këtij viti një kirurg i njohur plastik refuzoi ta operojë striptizeren nga Milano e cila kërkoi t’i ketë tre gjinj.

Është i njohur edhe rasti i një të riu i cili kërkoi që t’ia ndajnë gjuhën përgjysmë për t’i përngjarë më shumë gjarprit, ndërsa e dashura e tij kërkoi që në ballë t’ia vendosin dy si brirë në formë të yjeve prej arit.

Megjithatë, operacioni më i popullarizuar është ai i veshëve pas së cilit veshët i përngjajnë klanit Spocko nga seriali “Star Track”, ndërsa dikujt i ka ra ndërmend ta bëjë edhe portofolin nga lëkura e tij.

Ndër idetë bizare është edhe përmirësimi i belit, respektivisht transplantimi i nyejve prej diamanti. /Telegrafi/

Dalmatët, fisi ilir në Dalmaci, e kanë shpikur dhe zbuluar topin e futbollit, që në kohërat antike dhe kanë zhvilluar ndeshje-gara me pushtuesit romak, që në kohën e sundimit të mbretit Dioklecijan.

Këtë e dëshmon edhe statuja e gjetur e Gaj Liberie me top në dorë, në fshatin Gardun, afër qytezës Tril në Dalmaci, që edhe FIFA e njeh si fakt historik të dëshmisë.

Kështu, tradicionalisht në organizim të Shoqatës sportive “Gaz” nga Trili, lojtarët dalmat këmbëzbathur dhe pushtuesit romak me sandale, 20 minuta do ta shtynë topin sikur në kohërat antike, ndërsa refer do të jetë vetë mbreti Dioklecijan.

Përkrah Dioklecijanit, me veshje antike romake, do të qëndrojë ulur mbretëresha (bashkëshortja e tij) Priska, e cila kujdeset për financat sepse të gjitha paratë e Dioklecijanit janë në duart e sajë.

Dioklecijani ka deklaruar se është mbret romak, mirëpo dihet se cila anë (cili ekip) ate e tërheq më shumë. Zakonisht pas takimit ndërmjet dalmatëve vendas dhe pushtuesve romak, “Ai” është ankuar se e ka pas të vështirë të referojë, sepse centurionët romak, për shkak të ndërhyrjeve të ashpra, shpesh kanë intervenuar me forcë dhe me dhunë duke i larguar lojtarët dalmat nga tereni.

Rregullat antike lejojnë edhe lojën me dorë, që është mundësi plotësuese që “kundërshtarët” e dalmatëve shpesh ti vënë në përdorim këto gjymtyrë.Ka edhe zënka e rrahje, ka edhe lëndime, por ka intervenime edhe të ushtrisë romake.

Lojtarët e lënduar, që nuk kanë fuqi ta vazhdojnë takimin ose që ta braktisin terrenin vet, ata i largojnë me tezgë ose karrocë, dhe i hedhin në det.

Fituesit, vetë Diokleciani ua dorëzon replikën (kopjen e statujës së djaloshit me top), nga varri romak të fshatit Gardun afër Trilit, ku është gjetur pllaka mbi varr me portretin e fëmijës shtatëvjeçar Gaj Liberie, që mban në dorë topin.

Topi ka qenë i përbërë nga 28 copëza gjashtëkëndëshe, dhe sipas të gjitha gjasave ka qenë i qepur prej lëkure. Ky top, është shumë i ngjashëm me topin e sotëm, ndaj dhe Federata Botërore e Futbollit- FIFA, në vitin 1969, e ka pranuar si monument dhe kujtim të lojës së futbollit në botë. Këtë e ka konfirmuar kryetari i Shoqatës sportive “Gaz”, nga Trili, Boris Grubishiq- Çabo.

Dioklecijani tradicionalisht shprehet i kënaqur me ndeshjen që megjithatë kalon pa “lëndime” të rënda, në takimin ku marrin pjesë 10 dalmat, 10 romak dhe 23 ushtar romak dhe centurion. (Iliria News Agency-INA)

Më 8 korrik të vitit 8498 para Krishtit, në Tokë me një shpejtësi marramendëse, nën temperaturën prej 20000oC, u përplas një asteroid. Katastrofa zgjati vetëm 2 minuta dhe për ato 2 minuta vdiqën me miliona njerëz, u shkatërrua bota bimore dhe shtazore në shumë regjione të planetit tonë, ndërsa pamja dhe klima e saj ndryshuan përgjithmonë. Kjo ishte dita kur u fundos Atlantida legjendare dhe me të u zhduk edhe qytetërimi i parë të cilin e ndërtoi njeriu. “Shkak i kësaj katastrofe apokaliptike ishte asteroidi nga grupi Adonis, i cili nga trajektorja e tij përreth diellit u fut në fushën gravitale të Tokës”, pohon fizicienti gjerman Otto Muck në librin e tij “Gjithçka për Atlantidën”. Kataklizma filloi në horizontin veri-perendimor; nga thellësia e kosmosit befas u paraqit një trup i panjohur qiellor, i cili fillimisht ngjante në një yll të vockël, pas 30 sekondave i ngjante kometës, ndërsa pas një minuti në një ‘bolidi’, shkëlqimi i të cilit ishte më i madh se 100 diej. Gati sa me një trajektore vertikale, trupi u përplas në tokë. Nga drejtimi i veri-perëndimit, asteroidi pa u hetuar arriti deri te brigjet e kontinentit amerikano-verior, në regjionin 330 të gjerësisë gjeografike, ku sot gjendet qyteti liman Çarlston në Karolinën Jugore.

Kur trupi qiellor me një shpejtësi marramendëse hyri në shtresat e dendura të atmosferës, temperatura përnjëherë u ngrit në 20.000*C dhe të gjithë ata që panë këtë “shkëlqim të tmerrshëm” përgjithmonë humbën të parët. Nxehtësia shkatërroi gjithçka që iu gjend në rrugë. Nën ndikimin e nxehtësisë trupi qiellor shpërtheu, në një distancë rreth 200 km nga sipërfaqja e tokës dhe u thërmua në qindra pjesë të zjarrta që u përplasën në tokë, në formë shiu gjigant të zjarrtë, duke mbjellur vdekje dhe shkatërrim. Dy copëzat më të mëdha ranë në regjionin e Atlantikut, në veri-perëndim të Portorikos. Me një fuqi të madhe shkatërruese ekuivalente me 30.000 bomba hidrogjenike, e shpërthyen fundin e oqeanit. Biliona tonë të magmës së zjarrtë dolën nga gjiri i tokës dhe u përzien me ujin e detit, duke u shndërruar në sasi të mëdha avujsh të cilët u ngritën deri në 30 km lartësi. Gjëmimi i shpërthimit u dëgjua në tërë botën. Shkëlqimi i përplasjes e shndërroi natën në ditë në një perimetër prej 2000 km. Valët gjigante, të larta deri në 1000 m u vërsulën drejt brigjeve për të shkatërruar gjithçka para vetes. Në këtë orgji çmendurake të stihisë, plotësisht u shkatërrua Ishulli legjendar Atlantida.

Platoni për Atlantidën

Obsesioni kryesor i Otto Muck është zbulimi i fshehtësisë së Atlantidës, me të cilën njerëzimi merret për 2400 vjet, që nga ato ditë kur filozofi i famshëm grek Platoni, e vendosi në rend dite, të historisë. Pak para se të vdiste ai shkroi dy vepra: “Timaios” dhe “Kricias”, në të cilat për herë të parë përmendet ky ishull dhe përfundimi tragjik i tij. Sipas Platonit, Atlantida gjendej në afërsi të “Shtyllave të Heraklitit”, siç quhej më herët ngushtica e Gjibraltarit. Ishte më e madhe se Azia e Vogël dhe Afrika Jugore së bashku, e cila quhej për pjellori dhe jepte dy “prodhime” vjetore. Platoni i përmend palmat e kokosit, elefantët, krokodilët, tempujt dhe pallatet e praruara, kryeqytetin me një rreze prej 23 km dhe bashkësinë njerëzore të bazuar në normat ligjvënëse dhe kulturë të lartë. Ushtria e Atlantidës i kishte 480.000 këmbësorë, 120.000 kalorës, 160.000 karroca luftë, 240.000 marinarë. Platoni ishte i pari që shkroi për Atlantidën. Të gjitha veprat e mëvonshme u bazuan në informacionet e tij. Mirëpo, Platoni të dhënat për Atlantidën i kishte dëgjuar nga Kriciusi, të cilit i kishte rrëfyer gjyshi i tij, ndërsa gjyshi kishte mësuar prej Solonit, ligjvënësit më të njohur të Greqisë antike. Deri te këto të dhëna, Soloni kishte ardhur nga shkrimtarët egjiptianë, të cilët i kishte takuar gjatë udhëtimeve të tij. Në bazë të 20 faqeve të shkrimeve të Platonit për Atlantidën, deri më tani janë botuar 25000 punime për katastrofën më të madhe që e ka goditur planetin tonë. Për Atlantidën shkruan shkencëtarët, shkrimtarët, detarët dhe hulumtuesit, ëndërrimtarët.

Gjurmëve të qyteteve të fundosura

A ka prova shkencore, përveç Atlantidës së Platonit, për shkatërrimin e ndonjë pjese të madhe të tokës apo ndonjë ishulli, në historinë e njerëzimit? Në vitin 1969, hulumtues detarë amerikanë në afërsi të Ishullit Bahamas, Andros, gjetën mbeturinat e një muri dhe shtyllave gjigante. Gjurmët e anijeve të fundosura ekzistojnë në të gjitha pjesët e botës dhe kjo e ka shpjegimin e vet: nga epoka e fundit e akullit (rreth 7000 vjet p.e.s.) shtresa e shkrirë e akullit që e mbulonte një pjesë të madhe të Evropës, e rriti nivelin e detit për plotë 200 metra. Kështu, deti në pjesët më të ulëta bregdetare vërshoi dhe fundosi qytetërimet dhe banorët e tyre. Britania e Madhe atëbotë, akoma nuk ishte ishull, në vend të detit Baltik ishte tokë, ndërsa lumi Temza ishte degë e Rajnës, gadishulli Apenin ishte lidhur me rrip toke me Afrikën veriore. Të gjitha këto regjione të vërshuara kanë diçka të përbashkët. Mirëpo Atlantida, sipas Platonit, gjendej larg në oqean. “Prej aty, shkruante ai, mund të lundrohej në ishuj të tjerë, si dhe bregun e shtrirë të përtejmë”.

Ata ishuj “të tjerë” besohet të jenë Karaibet dhe Bahamet, ndërsa “bregu i shtrirë i përtejmë” Amerika Veriore. Sipas kësaj, Atlantida gjendej mes Amerikës dhe Evropës, ku sot gjenden Ishujt Azore.

Dëshmitë e Otto Muck-ut

Kur u bënë fotografimet e para ajrore, në vitin 1921 të Karolinës Jugore, u zbuluan më se 3000 kratere me origjinë misterioze. Qindra kratere kishin rrezen prej 1,5 km, ndërsa i gjithë rajoni përreth qytetit Çarlston shtrihej në një sipërfaqe prej 156.000 km2. Si rrjedhim i kësaj, del se kemi të bëjmë më gjurmë të ndonjë trupi të madh qiellor që ka shpërthyer mbi tokë. Dy gropa gjigante në fund të detit në regjionin e Portorikos tregojnë për goditjen e dy pjesëve gjigante të asteroidëve. Sipas llogarive të Muck-ut, të dy pjesët kishin një rreze prej mëse 10 km. Ato copa krijuan një çarje të madhe, e cila së shpejti u shtri deri në Atlantidë.

Magma e shkrirë që shpërtheu nga zemra e tokës u hodh me një erucion të fuqishëm në atmosferë, ndërsa në vendin e saj mbeti një boshllëk i madh me një thellësi prej gati 3000 metrash, gjë që ndikoi të fundosej edhe një pjesë e kores së tokës. Ky ishte edhe fundi i Atlantidës, shkatërrimin e së cilës e përcollën edhe shumë katastrofa periferike. Hiri i lavës dhe uji i detit krijuan një shtresë reje të zezë me trashësi prej 30 km, e cili me ndihmën e erërave pasate u zhvendos drejt lindjes, në Evropë, Afrikë, Azi. Në ato regjione u krijuan tornado dhe uragane. Hiri dhe kripa e detit paraqitnin pika kristalore për shira apokaliptike dhe rrebeshe që i suleshin tokës.

Varrezat e mamuthëve në Siberi

Njëkohësisht me këto zhvillime, mbi planetin tonë u përhapën re të mëdha me gazra helmues, të cilat dolën nga thellësia e Tokës. Muck konsideron që me këtë paraqitje, e ka ndriçuar edhe enigmën më të vjetër: varrezat e mamuthëve në Siberi. Atje, kryesisht në tokën e ngrirë janë gjetur mbeturinat e mijëra mamuthëve, edhe ato në gjendje sikur të kishin ngordhur dje e jo para mijëra vjetëve. Këto mbeturina shkencëtarët i kanë studiuar me kujdes. Diagnoza është: “Vdekje e shpejtë, pa lëndime, si pasojë e ngulfatjes”. Në stomakët e mamuthëve janë gjetur edhe ushqimet e tyre të fundit, gjethe të halorëve.

Mirëpo, ky lloj bime nuk jeton në vendin ku janë gjetur mamuthët. Këto bimë rriten në vende me klimë shumë më të butë, në regjione që gjenden hiç më pak se 3500 km më në jug. E tërë kjo e nxitë hipotezën se “ndryshimin e shpejtë të klimës” mund ta ketë shkaktuar ndonjë “fuqi kozmike”. Muck thekson se përplasja e asteroidit dhe Tokës e kishte zhvendosur boshtin e planetit tonë për 3500 km, gjë që kishte ndikuar në ndryshimin momental të klimës. Mamuthët e ngulfatur në “tymin helmues” tashmë janë të “konservuar” në një frigorifer natyror. Përpara katastrofës në ato pjesë rriteshin haloret dhe drunjë të tjerë.

Rryma detare e Golfit, si dëshmi

Fakti që Evropa perëndimore ka klimë të butë duhet falënderuar “lumit oqeanik të ujit të nxehtë”. Si ishte e mundur që me gjithë ekzistencën e kësaj rryme të nxehtë, para 7000 vjetësh (kur përfundoi epoka e akullit), Skandinavia dhe shumë rajone të Gjermanisë, Britanisë së madhe gjendeshin nën shtresën e borës dhe akullit? Muck jep përgjigje të thjeshtë: në atë botë as që kishte ekzistuar “rryma e nxehtë e Golfit” dhe as që arrinte deri në Evropë. Duke u nisur nga gjiri i Meksikos, ajo në mes të rrugës haste në një pengesë të pakalueshme, ishullin Atlantida, të gjatë 1000 dhe të gjerë 500 km. Rryma e nxehtë qarkullimin e kthente në detin Karaibik, prej nga sërish kthehej drejt Atlantidës. Vetëm pas shkatërrimit të Atlantidës, rruga drejt Evropës ishte hapur. Nën ndikimin e rrymës së nxehtë detare, shtresa e akullt në Britani filloi të shkrihej. Ky proces zgjatë me mijëra vjet dhe akoma nuk ka përfunduar.

Përgatiti

KLARITA BAJRAKTARI

BotaSot.info

Mendonim se kishim parë gjithçka në futboll, por nga Kina vjen “çmenduria” e fundit e kësaj loje. Një tifoze futbolli kineze është bërë protagoniste e një futjeje në fushë, duke goditur disa herë radhazi arbitrin e ndeshjes me anë të një shisheje plastike uji. Bëhej fjalë për një derbi të qytetit Dalian, në provincën verilindore të Liaoning. Në stadiumin e Liaoning Normal University përballeshin dy skuadrat e qytetit, Dalian Aerbin dhe Dalian Yteng, të dyja në kategorinë e dytë kineze. Skuadrat kanë një rivalitet historik mes tyre. Ndeshja përfundoi 2-0 për Dalian Yteng, por gjatë ndeshjes tifozeria kundërshtare akuzoi arbitrin dhe dy asistentët e tij se kanë vepruar në favor të skuadrës fituese, duke arbitruar në mënyrë të njëanshme ndeshjen. Në këto momente, një tifoze e Dalian Aerbin ka vendosur të hyjë në fushë dhe të lëshohet kundër arbitrit të ndeshjes. Është dashur ndërhyrja e forcave të policisë, të cilat kanë bllokuar gruan përpara se të plagoste seriozisht gjyqtarin. Ajo u dërgua jashtë nga agjentët, ndërsa ndeshja u ndërpre për më shumë se 6 minuta.